Quasi marzo 2019
Primo, son stado ospite a TV Capodistria per Tuttoggi Giovani. Per veder el video, dove parlo anche de le canzoni e video su sto sito, dovessi bastar strucar sora la foto qua soto:
Secondo, anche questo anno me sa che no andemo al Festival e restemo casa, a meno che qualchedun no ne scrivi per invitarne a sonar in giro, anche gratis.
Poi, dato che le analitiche me mostra che ogni giorno ghe xe qualchedun (esclusa mia mama) che capita su sto sito, e sperando che no sia per sbaglio, go deciso che publicherò la canzon in base ai risultati de la inchiesta qua soto (con minimo 10 voti favorevoli).
Febraio 2019
Go pena trovado su Iutub questo video de cui ignoravo l'esistenza, con mi e mio fradel che sonemo Lora e Mi sul palco a Buie durante el Festival del Istroveneto: Poi,
Genaio 2019 Come ogni ano, in sto periodo me meto a scriver e registrar la canzon per el Festival, con el aiuto de mio fradel al basso e chitara. Se el publico e la giuria ne vota e vinzemo qualcosa, col ricavato metemo insieme un CD e partimo in tour estivo! Novembre 2018 Lunedi 26 novembre sarò insieme a altri artisti in Comunità a Fiume cantar le 2 canzoni con cui gavevo partecipado al Festival del Istroveneto. Inizio evento 'Dimela Cantando 2018' ore 18:30, entrata libera. Agosto 2018 El testo e i acordi de la canzon Porton Biondi xe stadi aggiunti sul sito de Ultimate Guitar. I Veri Fan con un account ga de metighe 5 stelle! Giugno 2018
Se non xe andada per la canzon, questo ano xe rivado el primo premio al concorso video del Festival del Istroveneto. No se trata de musica, ma xe la storia del viagio de mio zio Sergio fin in Australia, contada in 3 minuti.
Aprile 2018_2
Deso in fondo ala pagina de la sezion Scrivine podè lasa la vostra email per ciapar mesagi de novità, consigli musicali e roba stramba diretamente de noi una volta a setimana! Aprile 2018_1
Anche questo ano semo stadi uficialmente selezionadi per non partecipar al Festival del Istroveneto. Per festegiar publicherò un per de canzoni inedite, iniziando da quela che no xe pasada nel 2016:
|
Canzòn del momento
.
Proverbio de la setimana
"No ti ga de eser più veloce del orso, ti ga solo de eser più veloce del mato più lento che scampa de lui."
|